“Ümumi vəziyyət belədi ki, sabah bizi müalicə edən Elxan həkim müayinədən sonra rəy bildirəcək. Yəni əsa ilə davam edib-etməyəcəyimizə qərar verəcək. Elgizlə mənim ayağım MRT müayinəsindən keçəcək. Çox güman, sağ ayağımın dabanında olan tikiş söküləcək. Aslan müəllimin durumu barədə onu deyə bilərəm ki, tikişləri sökülüb və fizioterapeyaya başlayıblar. Amma ayağa qalxması üçün zaman lazımdı. Çünki vücudu zəifləyib, ayağüstə bir neçə dəqiqədən artıq dayanması mümkün deyil. Hələ ki bərpa prosesi davam edəcək. Zaur Hacı-Məhərrəmovun bərpa prosesi ev şəraitində davam edir. Ümid edirəm ki, tezliklə işə çıxacaq. Elxan müəllimin müalicəsi Türkiyədə davam edir. Sabah daha bir dəfə ayağından əməliyyat olunacaq. Ondan sonra əməliyyat olunan yerlərin bərpası üzərində çalışılacaq. İndiki vəziyyəti ümumi ortadı”.