"Peşəkar Futbol Liqasında ideal struktur qurulub. Hər bir şöbə müvafiq olaraq üzərinə düşən işi görür. İstər texniki-idman, istər media və başqaları olsun. Hər şöbənin öz kuratoru var, hərə öz liqası ilə məşğul olur və onlara da nəzarət edən şəxslər var. PFL-in idarə olunmasında hansısa axsama yoxdu. Özümüz ciddi müzakirəyə ehtiyac duyulan məsələləri onlayn şəkildə qoşulmaqla yoluna qoyuruq. Həmin müzakirələrdə prezident Elxan Səmədov, vitse-prezident Aslan Şahgəldiyev, texniki-idman direktoru Elgiz Abbasov, icraçı direktor Zaur Hacı-Məhərrəmov və mən iştirak edirəm.

Demək olar ki, hər gün ərzində bir neçə dəfə PFL prezidenti Elxan Səmədov və vitse-prezident Aslan Şahgəldiyevin də iştirakı ilə müzakirə aparılır, tapşırıq, məsləhət və tövsiyələr alınır. Bildiyiniz kimi, bu hadisədə Elxan Səmədovla Aslan Şahgəldiyev ağır xəsarət alıb. Onların müalicəsi xəstəxana şəraitində davam edir. Buna baxmayaraq, o hadisədən müəyyən zaman sonra PFL-in idarə heyətinin qısamüddətli iclası keçirildi. Onlayn formatda keçirilən həmin iclasda Elxan Səmədov da iştirak etdi. Prezidentin təklifinə əsasən müalicəsini başa vurub işə qayıdana qədər səlahiyyətlərinin icrasının texniki-idman direktoru Elgiz Abbasova həvalə olunması müzakirəyə çıxarıldı və idarə heyəti tərəfindən müvafiq qərar qəbul edildi”.