''Adana Dəmirspor''da daha bir ayrılıq baş tutub.

“Football-plus.az” xəbər verir ki, yığmamızın üzvü Şahruddin Məhəmmədəliyevin əsas rəqibi Ərtac Özbir rəhbərliklə qarşılıqlı şəkildə anlaşaraq Adana təmsilçisindən ayrılıb. Onun artıq yeni klubu bəllidi. 34 yaşlı əlcək sahibi ''Ankaragücü'' ilə 1,5 illik müqavilə imzalayıb. Daha öncə ''Kasımpaşa'', ''Yeni Malatyaspor'' və ''Gənclərbirliyi''də forma geyən Ərtac 2022-dən ''Adana Dəmirspor''un şərəfini qoruyurdu. Şahruddin bu kluba gəldikdən sonra ilk vaxtlarda məhz Ərtacın əvəzləyicisi idi. Bu qapıçı bu mövsüm 12 superliqa oyununda forma geymiş və 9 qol buraxmışdı. Onu da bildirək ki, ''Ankaragücü'' mövsümün əvvəlində transfer etdiyi polşalı qapıçı Rafal Qikeviç ilə bir müddət öncə yollarını ayırmışdı. Bu üzdən Ərtacın paytaxt təmsilçisində əsas qapıçı olacağı gözlənilir.

ƏLİ