Andre Onana beynəlxalq karyerasını başa vurmaq qərarına gəlib.

O, Kamerun yığmasındakı çıxışına son soymağı lazım bilib.

“Daily Mail” qəzetinin yaydığı xəbərə görə, Andre bu qərarı milli komanda Afrika Millətlər Kubokunda çıxışını başa vurandan sonra verib. Kamerun 1/8 finalda Nigeriyaya məğlub olaraq (0:2) mübarizəni dayandırıb. “Mançester Yunayted”də əsas qapıçı olan Onana yığmanın qitə çempionatında keçirdiyi 4 oyundan yalnız birində iştirak etməsindən narazı qalıb. 27 yaşlı futbolçunun Kamerun Futbol Assosiasiyasının prezidenti Samuel Eto’O ilə münasibəti də yaxşı deyil. Qeyd edək ki, Onana 2022-ci ilin dekabrında – Qətərdə keçirilən dünya çempionatı zamanı milli komandadan ayrıldığını bəyan etmişdi. Ancaq bir müddət sonra qərarını dəyişmişdi.