“Ayaks”ın qapıçısı Andre Onana avtomobil qəzası keçirib.

Yol-nəqliyyat hadisəsi Kamerunda o, öz maşını ilə milli komandanın düşərgəsinə yollanarkən baş verib. Toqquşma nəticəsində hər iki avtomobilə ciddi ziyan dəysə də, futbolçu xəsarət almayıb. Digər maşının sürücüsü haqda məlumat verilmir.

Onana DÇ-2022-nin seçmə mərhələsində Əlcəzairə qarşı keçiriləcək hər iki pley-off oyununda iştirak etməyə hazırdı. Kamerun və Əlcəzair yığmaları arasında ilk oyun martın 25-nə, cavab görüşü isə 29-na təyin olunub.