“Barselona”ya bir neçə aydan sonra isveçli oyunçu qoşulacaq.

İspaniya klubu yığmamızın hücumçusu Musa Qurbanlının da formasını geydiyi “Yurqorden”in oyunçusu Lukas Berqvallı heyətinə cəlb edəcək.
Bu barədə məşhur insayder Fabritsio Romano məlumat verib. O, tərəflərin razılığa gəldiyini və yaxın günlərdə müqavilənin rəsmiləşəcəyini bildirib. 17 yaşlı yarımmüdafiəçi “Barselona”ya yayda qoşulacaq.

Lukas “Yurqorden”də 2023-cü ilin fevralından çıxış edir. O, ötən müddətdə bu komandada 29 oyun keçirib, 3 qol vurub və 1 məhsuldar ötürmə verib.