“Barselona”nı daha iki futbolçu tərk edib. İspaniya klubu Niko Qonsalesi “Portu”ya satıb.

"Football-plus.az" xəbər verir ki, yarımmüdafiəçi Portuqaliya klubu ilə müddəti 2028-ci ilin iyununa qədər nəzərdə tutulan müqavilə imzalayıb.

“Portu” bu transfer üçün 8,4 milyon avro ödəyib. 21 yaşlı oyunçuya  60 milyon avro satış qiyməti qoyulub. “Barselona” Nikonun gələcək satışından əldə ediləcək təzminatın 40 faizini alacaq. O, “Portu”da “16” nömrəli forma ilə çıxış edəcək. Qeyd edək ki, Qonsales “Barselona”nın heyətində 37 oyun keçirib, 2 qol vurub və 2 məhsuldar ötürmə verib.

“Barselona”nı Arnau Tenas da tərk edib. Gənc futbolçu PSJ-yə keçib. Paris klubunun rəsmi saytının məlumatına görə, 22 yaşlı qapıçı ilə üçillik müqavilə imzalanıb. Qeyd edək ki, Arnau bir neçə mövsüm “Barselona”nın 2-ci komandasının əsas qapıçısı olub. O, 2021/22 mövsümündən əsas komandaya cəlb olunub.