Yanvarın ortalarında “Formula-1” üzrə dünya çempionatında yarışan komandalardan “Haas”da baş verən dəyişiklik hər kəsin diqqətini çəkdi.

"Football-plus.az" xəbər verir ki, belə ki, Amerika komandasının sahibi Cin Haas rəhbər vəzifəsinə Günter Ştaynerin əvəzinə Ayao Komatsunu gətirdi. Şteyner “Sky Sports” telekanalına müsahibəsində qovulmasıyla bağlı bəzi sualları cavablayıb.

- Mövsümün sonunda Cin Haasın bir daha sizi komandasının rəhbəti postunda görmək istəməməsi ilə bağlı hansısa ilkin söhbət olmuşdumu? Ümumiyyətlə, qovulmaq təhlükəsi ilə üzləşdiyinizi bilirdizmi?
- Yox. Təbii ki, hamı komandanın 2023-cü ildəki nəticələrindən narazı idi, ancaq mən hadisələrin belə axarını öncədən görə bilməzdim. Bilirdim ki, müqavilə müddətimin sonuna yaxınlaşırıq, həmin an yetişəndə isə aydın oldu ki, müddət uzadılmayacaq.
- Bəs qarşınıza konkret hansısa vəzifə qoyulmuşdumu? O mənada ki, komanda daha yüksək pillədə finişə çatmalı və qazandığından daha çox xal qazanmalıydı?
- Yox, hərçənd həmişə qarşımızda hansısa vəzifə dayanır. Biz, sadəcə, sonuncu pillədə olmamalıydıq.
- Daha komandanın rəhbəri olmadığınızdan necə xəbər tutduz? Demək olar ki, siz komandanın yaradıcılarından birisiz, Cin Hass isə yalnız onun sərmayəçisi idi. O sizə zəng etdi və necə hərəkət etmək fikrində olduğunu dedi?
- Bəli, Cin Haas mənə zəng etdi. Mən onda Milad tətilini keçirmək üçün İtaliyadaydım. Cin Miladla Yeni il arasındakı günlərin birində mənə zəng edərək xəbəri çatdırdı.
- Kənardan belə görünə bilər ki, bu istefa mövsümün gedişində onunla sizin arasındakı münasibətlərin pozulması üzündən baş verib. Bəs siz necə izah edərdiz?
- Deyə bilmərəm ki, Cin aşkar narazılığını bildirdi, ancaq enində-sonunda o, komandanın sahibidi və istənilən qərarı qəbul edə bilər. Mən isə yalnız onun qərarına hörmətlə yanaşmaq qalır. Mən də belə edirəm. Hərçənd düşünürəm ki, 10 il ərzində hər şey normal olub. Ancaq mənlə əməkdaşlığı davam etdirməyi istəməmək də onun hüququdu.
- Deyilənə görə, siz istəmisiz ki, Cin Haas komandanın bazasının modernləşməsi üçün investisiyanın həcminin artırsın, hesab edibsiz ki, bunsuz “Haas” tərəqqi edə bilməz, hər şeydən əvvəl birbaşa rəqibləri ilə müqayisədə. Yəni israr etmisiz ki, “Uilyams”, “Alfa Tauri” və “Alfa Romeo” ilə müqayisədə daha çox pul qoymaq lazımdı. Fikir ayrılıqlarınızı belə təfsir etmək doğrudumu?
- Daha korrekt izahata gəlincə, mən belə deyərdim: büdcə məhdudiyyəti fonunda bütün komandalar infrastrukturun müasirləşməsinə pul qoyub. Və bunu xərc adlandırmaq olmaz, sadəcə, yatırımdı. Büdcənin komandanın əsas fəaliyyətinin maliyyələşdirilməsinə ayrılan hissəsindən yararlanmaqla bağlı bu ən doğru yanaşmadı. Rəqiblər bununla hələ 2020-də və ya 2021-də məşğul olub, kimsə ötən il bu işə girişib, amma hər biri hansısa addım atıb. Bu üzdən başqa komandaları izləyən adamm kimi həqiqətən zəruri addımlarla bağlı öz planımı təqdim etmişdim.