“İrəliləmək istəyən bir təşkilat kimi bizə aydındı ki, trassdakı nəticələri yaxşılaşdırmaq lazımdı. Ayao Komatsunu komandanın rəhbəri təyin etməklə biz, demək olar ki, idarəçiliyimizin əsasına mühəndis işini qoyuruq”.

“Hər şey nəticə ilə ölçülür. Bu, 8-ci mövsüm idi, bu müddətdə 160-dan artıq yarışa çıxdıq, bir dəfə də fəxri kürsüyə yüksəlmədik. Son bir neçə ildə ya doqquzuncu olmuşuq, ya da onuncu. Mən heç də bunun günahının Günterdə olduğunu demirəm. Sadəcə, belə görünür ki, dəyişikliklər, başqa istiqamətdə irəliləmək üçün münasib vaxt yetişib. Məndə belə hiss yoxdu ki, indiyə qədər getdiyimiz yol hansısa nəticəyə gətirib çıxaracaq. Enində-sonunda hər şeyi nəticələr həll edir. Mənə bundan sonra 10-cu yer maraqlı deyil”.