Embiid 70 xalla MBA tarixinə düşdü
Srağagün “Filadelfiya”nın “San-Antonio”ya 133:123 qalib gəldiyi oyunda tarixi hadisə baş verdi. Belə ki, “Siksers”in mərkəz oyunçusu Coel Embiid qələbəyə 70 xalla töhfə verdi, yəni komandasının xallarının yarıdan çoxunu topladı.
"Football-plus.az" xəbər verir ki, Embiid bu nəticə ilə bir çox rekordu yenilədi. Söhbət ilk növbədə Uilt Çemberlenin “Filadelfiya” üçün 1967-ci ildə müəyyənləşdirdiyi klub rekordundan gedir. Çemberlen həmin vaxt 68 xal toplamışdı. Bir oyunda 70 xal, 18 ribaund və 5 məhsuldar ötürmə də MBA tarixində heç vaxt qeydə alınmamışdı. Embiid bu oyunda şəxsi (indiyə qədər maksimum 59 xal toplamışdı) və klub rekordunu yeniləməklə yanaşı, cari mövsümün də rekordçusu oldu. İndiyə qədər rekordçu “İndiana” ilə oyunda 64 xal toplayan “Miluoki”nin forvardı Yannis Adetokumbo idi.
29 yaşlı kamerunlu MBA tarixinə bir oyunda 70 və daha artıq xal toplayan 9-cu oyunçu kimi düşdü. Bu göstəricidə rekord 1961/62 mövsümündə bir oyunda 100 xal toplamağı bacaran əfsanəvi Uilt Çemberlenə məxsusdu.
Embiid 70 xal topladığı oyundan sonra bunları dedi:
“Əslində özümə çox qəzəbliyəm. Mövsüm boyunca, adətən, səbətə saldığım o qədər asan atış qaçırdım ki... Çemberlenin klub üçün müəyyənləşdirdiyi rekordu yenilədim? Onun uğurları çoxdu. Onunla eyni məsələdə müzakirə olunmaq möhtəşəmdi. Əla gecə, əla oyundu. Oyunum yaxşı alındı. Uşaqlar topları mənə verməyi davam etdirdi, mən isə hücumları bitirdim. Oyunboyu həmklublarıma yalnız bir söz dedim: “Bilərəkdən mənim statistikamı yaxşılaşdırmayın. Gəlin, sadəcə, basketbol oynayaq”. Yaxşı oyun göstərməyə çalışdıq. 4-cü çeyrəkdə meydanda mübarizə gedirdi. Mənə elə gəldi ki, parket üzərinə dönməliyəm (üç çeyrəkdən sonra 59 xalı olan Embiid öz rekordunu təkrarlamışdı – red.). Yenidən oyuna qoşulandan sonra öz-özümə düşündüm ki, bu sənin şansındı, get və bunu bacar”.
MBA tarixində bir oyunda 70 və daha artıq xal toplayan bütün basketbolçular
xal il
Uilt Çemberlen 100 1962
Kobi Brayant 81 2006
David Tompson 73 1978
Damian Lillard 71 2023
Donovan Mitçell 71 2023
David Robinson 71 1994
Elgin Beylor 71 1960
Devin Buker 70 2017
Coel Embiid 70 2024
Yeri gəlmişkən, ötən həftənin ən yaxşı oyunçularının adı açıqlanıb. Kevin Dürantla Coel Embiid hamıdan üstün oluub. Dürantın “Finiks”i üç oyunun hamısında qalib gəlib. Forvard orta hesabla 31 xal toplayıb, 6,3 ribaund, 2,7 məhsuldar ötürmə ilə yadda qalıb.
Embiidin “Filadelfiya”sı isə həftə ərzində 4 qələbə qazanıb. Mərkəz oyunçusu hər oyunda orta hesabla 37,8 xal toplayıb, 8,5 ribaund edib, 5 məhsuldar ötürmə verib.
Bu arada “Miluoki”nin baş məşqçisi Edrian Qriffin istefaya göndərilib. Bu haqda xəbəri ESPN yayıb. Bu qaynaq onu da xəbər verir ki, Qriffinin yardımçısı Co Prunti baş məşqçinin səlahiyyətlərini yerinə yetirəcək. Bu postu tutmağa ən real namizəd isə “Filadelfiya”nın sabiq çalışdırıcısı Dok Riversdi.
Qriffin ötən ilin iyunundan bəri “Miluoki”yə rəhbərlik edirdi. Komanda 43 oyunda 30 qələbə qazanmaqla hazırda Şərq konfransının turnir cədvəlinin 2-ci pilləsində qərarlaşıb.
23 yanvar
Detroyt – Miluoki 113:122 (30:30, 26:28, 29:31, 28:33)
Orlando – Klivlend 99:126 (19:38, 28:34, 27:35, 25:19)
Filadelfiya 76 – San-Antonio 133:123 (34:35, 28:23, 42:31, 29:34)
Toronto – Memfis 100:108 (25:30, 21:23, 25:32, 29:23)
Minnesota – Şarlott 125:128 (34:32, 35:32, 38:28, 18:36)
Dallas – Boston 110:119 (26:24, 33:41, 24:29, 27:25)
Finiks – Çikaqo 115:113 (22:37, 27:29, 34:24, 32:23)
Sakramento – Atlanta 122:107 (27:24, 30:16, 30:29, 35:38)
24 yanvar
İndiana – Denver 109:114 (29:28, 33:26, 19:39, 28:21)
Bruklin – Nyu-York 103:108 (28:26, 21:24, 36:26, 18:32)
Nyu-Orlean – Yuta 153:124 (34:30, 43:29, 38:32, 38:33)
Oklahoma-Siti – Portlend 111:109 (38:28, 20:38, 30:20, 23:23)
Klippers – Leykers 127:116 (35:29, 42:35, 29:33, 21:19)
Digər xəbərlər
