“Filadelfiya 76”nın mərkəz oyunçusu Coel Embiid 2022/23 mövsümünün ən dəyərli oyunçusu (MVP) sayılıb.

"Football-plus.az" xəbər verir ki, 29 yaşlı kamerunlu səsvermədə 73 dəfə birinci göstərilib.

Embiid 15 dəfə 1-ci yerdə göstərilən Nikola Yokiçlə “Miloki”nin forvardı Yannis Adetokunbonu (12 dəfə 1-ci yer) arxada qoyub. Kamerunlu klub tarixində ən nüfuzlu fərdi mükafatı qazanan 5-ci basketbolçudu.

O, cari mövsümdə keçirdiyi 66 oyunda orta hesabla 33,1 xal toplayıb, 10,2 ribaund və 4,2 məhsuldar ötürmə ilə yadda qalıb. “Filadelfiya 76” sosial şəbəkə hesabında qalibin adı açıqlanarkən çəkilən videonu paylaşıb.

Embiidin həmin anda göz yaşını saxlaya bilməməsi hər kəsi təsirləndirib. Daha bir maraqlı məqam odu ki, “Leykers”in forvardı Lebron Ceyms mövsümün ən dəyərli oyunçusunu müəyyənləşdirmək üçün keçirilən sorğuda 1 səs də ala bilməyib.

Onun 20 illik karyerasında ilk dəfə belə hal yaşanır.