“Boston”un forvardı Ceyson Teytum klub tarixinə 8000 xal qazanan ən gənc basketbolçu kimi düşdü.

O, “Denver”lə oyunda – 24 yaş 253 günlüyündə bu həddə çatdı. Teytum 2017-dən bəri “Seltiks”in şərəfini qoruyur.

Təbii ki, Teytumun Stefen Karrinin səviyyəsinə çatmasına hələ çox var. “Qolden Steyt”in oyun qurucusu “Sakramento” ilə oyunda yeni MBA rekordu müəyyənləşdirdi. Ümumilikdə 47 xal toplayan Karri 12 dəfə üçxallıq atışa cəhd etdi, 7-də bacardı. O, MBA tarixinə müntəzəm çempionatın ardıcıl 200 oyununda ən azı bir dəfə üçxallıq atışla yadda qalan ilk basketbolçudu. Karri həmçinin Maykl Cordanın 20 il əvvəlki rekordunu təkrarldı. Stefen 2002-dən bəri ardıcıl iki oyunda 40 xal toplaya bilən ən yaxşlı oyunçudu. Ona qədər bu nəticəni həmin vaxt “Vaşinqton” forması geyən Cordan bacarıb.
MBA-da Karri qədər şöhrətli Luka Donçiç də var. “Dallas”ın sloveniyalı oyun qurucusu “Portlend”lə oyunda 42 xal, 13 ribaund və 10 məhsuldar ötürmə ilə karyerasında 4-cü dəfə tripl-dabl etdi. “Dallas”ın baş məşqçisi Ceyson Kidd isə yetirməsinin uğuruna maraqlı reaksiya verdi: “Onun üçün 42 xal toplamaq, tripl-dabl etmək parkda gəzmək qədər asan işdi”.

“Nyu-York” – “Oklahoma-Siti” oyununda komandalar birlikdə 280 (!) xal topladı. Meydan sahibləri 1-ci çeyrəkdə 48 xal topladı ki, bu da klub rekordudu. Dünən keçirilən “Filadelfiya 76” – “Yuta” oyunu da rekordla yadda qaldı. Filadelfiyalıların mərkəz oyunçusu Coel Embiid qələbəyə 59 xalla töhfə verdi. Cari mövsümdə indiyə qədər hansısa oyunda 59 xal toplayan basketbolçu olmamışdı.