“Mançester Yunayted”i iki futbolçu tərk edib. Serxio Regilonun bu klubdan ayrılacağı gözlənilirdi.

“Tottenhem”in sol cinah müdafiəçisinin “Brentford”a keçidi rəsmiləşib. London klubunun mətbuat xidmətinin məlumatına görə, 27 yaşlı futbolçu cari mövsümün sonunadək icarə əsasında bu komandada oynayacaq. O, MY-də 2023/24 mövsümünün ilk hissəsini bu status ilə keçirib. Serxio bu komandada bütün turnirlərdə 12 oyunda iştirak edib. Regilonun “Tottenhem” ilə müqaviləsinin müddəti 2025-ci ilin yayına qədərdi.

MY-ni Mateo Mexiya da tərk edib. Onu “Sevilya” heyətinə cəlb edib. İspaniya klubunun saytının məlumatında 20 yaşlı hücumçu ilə imzalanan müqavilənin detalları açıqlanmayıb. Qeyd edək ki, Mateo “Yunayted”in U-23 komandasında oynayıb. O, İngiltərə klubuna 2019-cu ildə “Saraqosa”nın akademiyasından keçib.