“Kəpəz”in veteranları AFFA-nın baş katibindən görüş istədi
Son günlər “Kəpəz”in icraçı direktoru İlqar Nadirinin Gəncədəki əleyhdarları yetərincə fəallaşıb.
Onlar klubun idarə olunmasıyla bağlı bəzi məsələlərdən narazıdı. İş o yerə çatıb ki, “Kəpəz Veteranları” İctimai Birliyi İlqar Nadiri ilə görüşün təşkili ilə bağlı AFFA-nın baş katibi Sərxan Hacıyevə müraciət ünvanlayıb. Bu barədə “Kəpəz Veteranları” ictami birliyinin “feysbuk” səhifəsində paylaşım yer alıb. İctimai Birliyin sədri Tofiq Məmmədovun adından yayılan müraciətdə deyilir:
“Hörmətli Sərxan Hacıyev! Biz sizdən xahiş edirik ki, bir qrup “Kəpəz” veteranı və “Kəpəz”in rəhbəri İlqar Nadirinin iştirakı ilə AFFA nümayəndələri ilə görüş təyin edəsiz. Bu görüşdə İlqar Nadirinin iştirakı ilə “Kəpəz”in idarəçiliyndə olan nöqsanların aradan qaldırılmasına kömək edəsiz. Onu da nəzərinizə çatdırırıq ki, dəfələrlə müraciət etməyimizə baxmayaraq, nöqsanlar hələ də həllini tapmayıb. Görüşdə iştirak edəcək veteranlar aşağıdakılardı: Tofiq Məmmədov, Firuz Qulami, Vidadi Rzayev, Ceyhun Tanrıverdiyev və “Kəpəz”in sabiq mühafizə rəisi Elmar Əliyev”.
Digər xəbərlər
