İlqar Nadiri veteran futbolçunun iradları ilə razılaşsa da...
“Kəpəz”in növbəti mövsümdən elitada çıxış edəcəyi məlum olduqdan sonra düşünmək olardı ki, gəncəli azarkeşlərin şəhərin futbol veteranlarının sevinci yerə-göyə sığmayacaq.
Onlar “sarı-göylər”in yenidən ölkənin elitasında təmsil olacaqlarına görə bayram edəcəklər. Ancaq hadisələrin axarı onu göstərir ki, yaxın vaxtlarda Gəncə futbolu ətrafında böyül qalmaqala şahidlik edəcəyik. 15 gündən çoxdu ki, azarkeşlər baş məşqçi Yaşar vahabzadəni istefaya sələyirdilərsə, 2 gün öncə “Kəpəz”in veteranı Firuz Qulami “Football–plus.az” saytına açıqlamasında baş məşqçi ilə yanaşı, klubun icraçı direktoru İlqar Nadirinin də yarıtmaz idarəçiliyə görə postundan getməli olduğunu bildirib. Obrazlı desək, Gəncə futbolu yenə qarşıdurmaya hamilədi. Bir tərəfdə azarkeşlər və veteranlar, qarşı tərəfdə klub rəhbərliyi və hazırkı məşqçilər korpusu. Bu qarşıdurmadan kmin qalib ayrılacağını zaman göstərəcək. Hələlik isə İlqar bəylə əlaqə saxlayıb Qulaminin söylədiklərinə münasibət bildirməsini istədik. “Sarı-göylər”in icraçı direktoru açıqlama verməkdəm imtina etməsə də, nala-mıxa vurmaqla vəziyyətdən çıxmağa çalışdı:
“Kəpəz”in hazırkı durumu, komandanın uğursuz çıxışı azarkeşlərl kimi, klub rəhbərliyinə və veteranlara da pis təsir edir. Veteranların da istəyi bizi kimi komandanı yüksək yerlərdə görməkdi. Əfsuslar olsun ki, “Kəpəz” bu gün ümidləri doğrultmur. Azarkeşlərin və veteranların etirazı başadüşüləndi. Azarkeş iddialı kollektiv görmək istəyirlər. Veteranlar da Gəncə futbolunda əziyyətləri olduqları üçün tənqid edirlər, narazılıqlarını dilə gətirirlər. Onların səlahiyyəti, imkanları var ki, “Kəpəz” barədə fikir bildirsinlər. Veteranlar vaxtilə bu klubun inkişafı, uğuru üçün əllərindən gələnin ən yaxşısını ediblər.
Təbii ki, biz də istəyərdik onların yolunu davam etdirək, ölkə çempionu olaq, kuboku başı üzərimizə qaldıraq. Təəssüf ki, indiki məqamda buna nail ola bilməmişik. Bunun səbəbləri var ki, özümüz də məşqçilər heyəti, futbolçularla söhbətdə bunu qeyd edirik, durumumuzu müzakirə edirik. Firuz müəllim də “Kəpəz”də əziyyəti keçən futbolçulardan biri olub. Bu gün də veteran kimi fikirini bildirir. Onun narazılığını başa düşürük və qəbul edirik. Başqa nə deyə bilərəm? Firuz müəllim bizim dəyərli futbolçularımızdan biri olub, bu gün də hörmətini saxlayırıq. Bilirik ki, Gəncəni, “Kəpəz”i sevən insandı. Bundan sonra çalışacağıq əlimizdən gələni edib həm azarkeşlərimizi, həm də veteranlarımızı sevindirək”.
Təbii ki, biz də istəyərdik onların yolunu davam etdirək, ölkə çempionu olaq, kuboku başı üzərimizə qaldıraq. Təəssüf ki, indiki məqamda buna nail ola bilməmişik. Bunun səbəbləri var ki, özümüz də məşqçilər heyəti, futbolçularla söhbətdə bunu qeyd edirik, durumumuzu müzakirə edirik. Firuz müəllim də “Kəpəz”də əziyyəti keçən futbolçulardan biri olub. Bu gün də veteran kimi fikirini bildirir. Onun narazılığını başa düşürük və qəbul edirik. Başqa nə deyə bilərəm? Firuz müəllim bizim dəyərli futbolçularımızdan biri olub, bu gün də hörmətini saxlayırıq. Bilirik ki, Gəncəni, “Kəpəz”i sevən insandı. Bundan sonra çalışacağıq əlimizdən gələni edib həm azarkeşlərimizi, həm də veteranlarımızı sevindirək”.
RƏŞAD
