Yığmanın baş məşqçisi "İnter"də meydana çıxacaq - ÖZÜ DEYİR...
Çimərlik futbolu yığmamızın baş məşqçisi Zeynal Zeynalov "İnter" minifutbol komandasına baş məşqçi təyin edilib.
Bu barədə "Football-plus.az"a mütəxəssis özü məlumat verib. Sizi Zeynal bəyin fikirləriylə tanış edirik:
"Həm millidə, həm də "İnter"də baş məşqçi kimi çalışacam. Əslində minifutbol komandasının tərkibi elə milli üzvlərindən ibarətdi. Onların baş məşqçiyə ehtiyacı yoxdu. Hər birinin yetərincə təcrübəsi var. Sadəcə, sağ olsunlar , yaşım onlara nisbətən çox olduğundan baş məşqçi olmağımı istədilər. Həm də oynayacam. Onsuz da bu işlə məşğul oluram. İdmandan uzaq deyiləm. Düşündüm ki, müəyyən günlərdə qaçıramsa, elə bunu meydanda da edə bilərəm".
Qeyd edək ki, "İnter"in əvvəlki baş məşqçisi Xətai Bağırov idi.
KƏNAN BAHADIR
Digər xəbərlər
