Cordan Henderson tezliklə Səudiyyə Ərəbistanından ayrıla bilər.

"Football-plus.az" xəbər verir ki, onun İtaliyaya yollanacağını Canluka Di Martsio xəbər verib. Tanınmış insayder ingilis yarımmüdafiəçinin “Yuventus”un hədəfində olduğunu və Turin klubunun onu mövsümün sonuna qədər icarəyə götürməyi planlaşdırdığını bildirib.

Asiya ölkəsinin iqlimini bəyənməyən Cordanın Avropaya qayıtmaq istədiyi məlumdu. O, “Əl-İttifaq”ın heyətində 17 oyun keçirib və 4 məhsuldar ötürmə edib.