Son bir ildə iş yerini ikinci dəfə dəyişmək qərarına gələn Kriştiano Ronaldonun Çempionlar Liqasında çıxış etmək istədiyi məlumdu.

Football-plus.az xəbər verir ki, ötən ilin avqustunda “Yuventus”dan ayrılan ulduz futbolçu indi də “Mançester Yunayted”i tərk etmək niyyətindədi. Adı bir sıra Avropa klubları ilə birgə hallanan hücumçu Səudiyyə Ərəbistanından təklif alıb. TVI və CNN Portuguesa telekanallarının yaydığı xəbərə görə, Asiya ölkəsinin adı çəkilməyən klubu Ronaldo üçün 300 milyon avro xərcə düşməyə hazırdı.

Həmin klub ona ikiillik müqaviləyə əsasən 250 milyon avro məvacib, MY-yə 30 milyon avro təzminat və futbolçunun agentinə isə 20 milyon avro komisiya ödəmək təklifini irəli sürüb.