Konor iyunun 29-da oktaqona dönəcək?
UFC versiyası üzrə iki çəki dərəcəsində sabiq çempion Konor Makqreqor sosial şəbəkədə növbəti özünəməxsus video yayıb.
“Football-plus.az” xəbər verir ki, irlandiyalı həmin videoda şərab içməklə oktaqona dönüş tarixini elan edir:
“Dönüş tariximi elan etmək istəyərdim. Bütün zamanların ən möhtəşəm dönüşü iyunun 29-da Las-Veqasda gerçəkləşəcək. Rəqibim isə Maykl Çendler olacaq”.
Xatırladaq ki, Konor bir müddət əvvəl 8 çəki dərəcəsində sabiq dünya çempionu Menni Pakyayoya döyüşməyi təklif etmişdi. 35 yaşlı irlandiyalı MMA səviyyəsində keçirdiyi döyüşlərin 22-də qalib gəlib, 6-da uduzub. 2021-ci ilin iyulunda keçirdiyi sonuncu döyüşdə ayağı zədələndiyindən Dastin Poryeyə texniki nokautla uduzub. Yüngül çəkidə UFC reytinqində 5-ci olan Çendler (23-8) də artıq Konorla döyüşməyə hazır olduğunu bildirib: “Həmişə demişəm ki, sənin ən böyük və yaxşı versiyanla döyüşmək istəyirəm”.
Digər xəbərlər
