"Murad Musayev çempionatın ilk yarısında dəfələrlə qeyd edib ki, Kaşukla Mikelsin gedişi komanda üçün böyük itki oldu. Həmçinin rusiyalı mütəxəssisin "Sabah" artıq həminki "Sabah" deyil" ifadəsini də ciddiyə almaq lazımdı. Odu ki, Alekseyin gedişi, sözsüz, komandaya mənfi təsirini göstərəcək. Millimizin üzvü "Sabah"ın düşünən beyni idi. "Qarabağ" Alekseyi heyətinə qatmaqla bir gülləylə bir neçə quş vurdu. Belə ki, Aleksey həm yerli statuslu oyunçudu, həm milli üzvüdü, həm pleymeyker kimi effektlidi, həm də alternativ mövqelərdə çıxış edə bilmək bacarığına malikdi. Qış fasiləsinin ömrü qısadı. İndi əsas məsələ "Sabah"da Alekseyin yoxluğunun necə kompensasiya olunacağıdı. Masazır təmsilçisi bu sahədə ciddi seleksiya axtarışına keçməlidi. Təbii ki, komandada futbolçu seçimi var, amma onlar Alekseyi nə dərəcədə əvəz edəcək - indidən demək çətindi".