"Sabah" ilk oyunda üstün oynadı, Serbiyaya da sərfəli hesabla getdi. Amma hər şeyin bitdiyini demək olmaz. Çünki "Partizan" artıq Masazır təmsilçisini yaxşı tanıyır. Komandanın üstün və zəif tərəflərini təhlil edib. Eləcə də doğma publika önündə çıxış edəcək. Serb azarkeşlərin də necə çılğın olduğunu hamı bilir. "Sabah" maksimum diqqətli olmalıdı.

Avrokubok təcrübəsinin olmaması təmsilçimiz üçün təhlükədi. Çünki "Partizan" yetərincə ciddi və təcrübəli komandadı. Onlar azarkeşləri qarşısında “1-ci nömrə” ilə oynayacaq. Komandanın  onsuz da itirəcəyi nəsə yoxdu. Serblər Murad Musayevin yetirmələrini maksimum təzyiq altında saxlamaqla erkən qol və qollar axtarışında olacaq. Mikelsə gəlincə, təbii ki, o "Sabah" üçün vacib oyunçu idi. Amma almaniyalının yoxluğunun "bayquşlar"a çətinlik yaradacağını düşünmürəm. Çünki "Sabah" doğma publika önündə "Partizan"ı Mikelssiz üstələmişdi. Komanda ehtiyatlı və ağıllı oynasa, mərhələ keçəcəyini düşünürəm".