"Yayılan informasiyayla tanışıq. Təəssüf ki, qeyri-peşəkar jurnalistlər məlumatın dəqiq olub-olmadığını araşdırmadan tirajlayıb. Halbuki hadisə fərqli yöndə cərəyan edib. Ruslan Voronsov "Zaqatala" ilə oyundan əvvəl mənə yaxınlaşdı və başqa klubdan daha sərfəli təklif aldığını dedi. Xahiş etdi ki, rəhbərlik futbolçu karyerasının uzunmüddətli olmadığını nəzərə alıb onun daha yüksək maaşla başqa komandaya keçidinə şərait yaratsın. Razılaşdıq. Bundan sonra gözlənilmədən həmin hadisə baş verdi. Yəni futbolçunun qayda pozuntusuna yol verməsinin və klubun cərimələnməsinin gedişinə heç bir aiddiyatı yoxdu. Bizdə daha əvvəl oyunçu Müşfiq Teymurov da həmin səhvə yol vermişdi. Klub siyasəti bu yöndə olsaydı, onu da qovardıq. Uzun sözün qısası, yayılan məlumatlar şayiədən başqa bir şey deyil. Ruslan Voronsova gələcək karyerasında uğurlar arzulayırıq".