“Karvan” hakim idarəçiliyindən narazıdı - VİDEO
1-ci liqa klubu “Karvan” hakim idarəçiliyindən narazılıq bildirib.
“Football-plus.az” xəbər verir ki, Yevlax təmsilçisi bununla bağlı bəyanat yayıb.
Klub “Zaqatala”ya evdə 0:2 hesabı ilə məğlub olduqları XII turun oyununun baş hakimi Əli Əliyevin yanlış qərarlar verməsindən şikayətlənib:
“Zaqatala” ilə görüşdə əleyhimizə verilən qərarlar ilk dəfə hakimliklə bağlı etiraz etməyimizə səbəb olur. Belə səhvlərlə bir çox oyunda qarşılaşmışıq. Bütün rəqiblərə hörmətlə yanaşırıq, təmiz futbol, ədalətli qərarlar istəyirik”.
Qeyd edək ki, matçda “Karvan”ın 2, “Zaqatala”nın 1 futbolçusu qırmızı vərəqə alıb. Yevlaxlılar hazırda 18 xalla 6-cı pillədə qərarlaşıb.
Digər xəbərlər
