2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

...təyinatı...
Ötən mövsümün gedişində dərin böhrana düşən “Sevilya”nın La Liqanı tərk etmək təhlükəsi yaranmışdı. Rəhbərlik martda Xorxe Sampaolini istefaya göndərib argentinalının yerinə Xose Luis Mendilibarı təyin etdi. Bu gediş qısa zamanda əla effekt verdi. La Liqada mövsümü 12-ci yerdə başa vuran komanda Avropa Liqasının qalibi oldu! “Roma”ya əsas və əlavə vaxtı 1:1 hesabı ilə bitən finalda penalti seriyasında üstün gələn (4:1) “Sevilya” sevimli turnirində 7-ci çempionluğunu qazandı.