2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

...seriyası...
Finalda “Fluminense”ni 4:0 hesabıyla darmadağın edən “Mançester Siti” avropalıların Klublararası Dünya Çempionatındakı uğurlu seriyasını davam etdirdi. UEFA Çempionlar Liqasının qalibi mundialda ardıcıl 11-ci dəfə çempion oldu. Başqa sözlə, “köhnə qitə” artıq 11 ildi bu turnirdə rəqiblərə aman vermir.