2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

...istefası...
Almaniya yığmasının uğursuz oyunlar seriyasına son qoya bilməməsi sentyabrda Hans-Diter Flikin istefaya göndərilməsini qaçılmaz etdi. 58 yaşlı mütəxəssis yoldaşlıq matçlarındakı qələbəsizliyə görə belə aqibətlə üzləşdi. O, bundestimin tarixinə postundan qovulan ilk çalışdırıcı kimi düşdü! AÇ-2024-ün təşkilatçısı olacaq Almaniyanın futbol başbilənləri qarşıdakı mümkün uğursuzluğu nəzərə almaya bilməzdilər. Flik milli komandaya yalnız iki il başçılıq edə bildi.