2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

2023-cü ilin komandası...
“Mançester Siti” ilə damğa vurdu. Komanda il ərzində çıxış etdiyi 7 turnirdən 5-də qalib gəldi. İngiltərə çempionluğunu və ölkə kubokunu qazanan “şəhərlilər” tarixində ilk dəfə Çempionlar Liqası, Avropa Superkuboku və Klublararası Dünya Çempionatında qələbə qazandı. MS-nin bu il qalib gələ bilmədiyi iki turnirin İngiltərə Liqa Kuboku və İngiltərə Superkuboku olduğunu da xatırladaq.