Bu mövsüm La Liqanın və hətta Avropanın 5 aparıcı liqasının əsas kəşfi ilə bağlı xəbər yayılıb.

“Football-plus.az” xəbər verir ki, sürpriz çıxışı ilə diqqəti cəlb edən “Jirona” Çempionlar Liqasına vəsiqə qazansa, turnirə buraxılmaya bilər.

“Curiosidades Europa” nəşrinin məlumatına görə, UEFA-nın reqlamentinə əsasən bir sahibkara məxsus olan klublar eyni turnirdə iştirak edə bilməz. “Jirona” və “Mançester Siti” isə “City Football Group” holdinqinə məxsusdu. Amma bunun əksini sübut edən fakt var. Belə li, “Red Bull” şirkətinə məxsus olan “Zaltsburq” və “Leyptsiq”in eyni turnirdə - məhz Çempionlar Liqasının cari mövsümündə çıxış etməsi mümkün olub.

“Jirona” hazırda İspaniya çempionatında 18 turdan sonra 45 xalla 2-ci yeri tutur. Şərikli lider “Real”ın da xalı 45-ə bərabərdi. Ölkə nəhəngi kataloniyalları topların daha yaxşı fərqinə görə qabaqlayır. İspaniya çempionatında mövsümü ilk 4 yerdə başa vuran komandaların Çempionlar Liqasına vəsiqə qazanacağını da bildirək.