Türkiyə çempionatında mövsümə uğurlu start verməyən və artıq məşqçi dəyişikliyinə gedən klublardan biri olan ''İstanbul BŞ'' ilə bağlı maraqlı xəbər yayılıb.

"Football-plus.az" xəbər verir ki, ''City Football Group'' şirkəti başakşəhərlilərin səhmlərinə maraq göstərir. Eyni zamanda ''Mançester Siti''nin sahibi olan bu şirkət İstanbul təmsilçisinin səhmlərinin 40 faizini almaq üçün klub rəhbərliyi ilə danışıqlara başlayıb. Tarixində 1 ölkə çempionluğu olan ''İstanbul BŞ'' Türkiyə futbolunda əcnəbilərin tabeçiliyinə keçən 2-ci kluba çevrilə bilər. Ötən il 1-ci liqa təmsilçisi ''Göztəpə''nin səhmlərinin 70 faizi danimarkalı iş adamı Rasmus Ankersenə məxsus ''Sport Republic'' şirkətinə satılmışdı. ''City Football Group'' futbol dünyasında kifayət qədər məhşur şirkətdi. Şeyx Mənsur tərəfindən idarə olunan şirkət eyni zamanda ''Nyu York Siti'', ''Melburn Siti'', ''Yokohama'', ''Montevideo'', ''Jirona'', ''Mumbay Siti'', ''Lommel'', ''Esperansa'', ''Palermo'', ''Bayya'' kimi klubların sahibidi.

ƏLİ