“Hər gün emosiyalarım aşıb-daşır. Sidik analizimdə yasaq maddələrin aşkarlanmasıyla bağlı aldığım məktub mənim üçün şok oldu. Pis nəsə etmədiyimi, təmiz olduğumu bilirəm. Mən həmişə dopinqin əleyhinə olmuşam. 4 il mənim yaşım üçün hədsiz çoxdu. Bu məsələ belə də qalsa, öhdəsindən necə gələcəyimi bilmirəm. Çox güman, bu, karyeramın sonu olacaq. Etmədiyim əməlin cəzasını çəkdiyimi anlamaq daha böyük ağrı verir. Həmişə komandama, birgə çalışdığım adamlara etibar etmişəm. Həmişə özümə əmin olmuşam, indi isə bu əminlik bir qədər zədələnib. Aydın məsələdi ki, bioəlavələrin qurbanına çevrilmişəm. Müsbət nəticələnən sidik analizindən üç gün əvvəl həm qan, həm də sidik analizi vermişdim – onda heç nə yox idi. Mənə deyilənə görə, yasaq maddə qeyri-adi dərəcədə azdı, həmin o üç gün ərzində dopinq qəbul edə bilməzdim. Heç vaxt qaydaları pozmaq, bütün həyatımı həsr etdiyim idmana hörmətsizlik göstərmək niyyətim olmayıb. Mənim başqa həyat prinsiplərim var. Fırıldaqçılıq etmək ağlımın ucundan belə keçə bilməz”.