Elvin Yunuszadə karyerasını bərpa etdi - RƏSMİ
"Kəpəz" heyətini daha bir futbolçu ilə gücləndirib.
"Football-plus.az" xəbər verir ki, Gəncə təmsilçisi "Qarabağ" və "Neftçi"nin sabiq üzvü Elvin Yunuszadəni transfer edib. Bu barədə klubun mətbuat xidməti məlumat yayıb. 29 yaşlı müdafiəçi ilə 1 illik müqavilə imzalanıb.
"Neftçi", "Qarabağ", "Sabah", "Səbail", Şimali Makedoniyada "Şkupi", Bosniya və Herseqovinada "Çelik"də çıxış edən futbolçunun son iş yeri "Şamaxı" olub.
"Kəpəz" bundan əvvəl Tural Axundovu heyətinə cəlb edib.
