Bu gün futbol üzrə ölkə çempionatının 1-ci liqasının 6-cı turu çərçivəsində daha iki oyun keçirilir.

“Football-plus.az”ın hazırda “ASK Arena”da olan əməkdaşının verdiyi xəbərə görə, "İrəvan" saat 13.00-da start götürən "Şamaxı" ilə qarşılaşmaya 10 futbolçu ilə çıxıb. Şəkildə gördüyünüz rəsmi protokolda isə 12 futbolçunun adı yer alıb.

Maraq üçün həmin 12 futbolçunun ad-soyadını xatırladırıq: Andrey Sinenka, Elvin Yunuszadə, Bayram Əliyev, Kamal Mirzəyev, Fəhmin Muradbəyli, Əli Əliyev, Ege Atlam Adnan, Bəşir Ayralov, Vüsal Əsgərov, Ramin Məhərrəmov, Rafiq Həsənov. Start heyəti belədi, ehtiyat oyunçu kimi Elşən Abdullayev göstərilib.

"İrəvan"ın start heyətinde yer alan 5 nömrəli Rafiq Həsənov əslində qapıçıdı, məcburiyyətdən sahə oyunçusunun funksiyalarını yerinə yetirir.

Hazırda davam edən oyunda "Şamaxı" 3:0 öndədi.

ABDULLA İSMAYILOĞLU