“Sevilya”ya yeni baş məşqçinin təyinatı rəsmiləşib.

Dieqo Alonso bu vəzifəsən şənbə günü La Liqanın 17-ci turunda evdə “Xetafe”yə məğlubiyyətdən (0:3) sonra istefaya göndərilmişdi.

Komanda hazırda İspaniya çempionatında 13 xalla 16-cı yeri tutur. 48 yaşlı Alonsonun yerini Kike Sançes Flores tutub. Onunla bağlanan müqavilənin müddəti 2025-ci ilin yayına qədər nəzərdə tutulub. Floresin sonuncu iş yeri 2021-ci ilin oktyabrından bu ilin aprelinə qədər çalışdırdığı “Xetafe” olub.

Xatırladaq ki, “Sevilya” Çempionlar Liqasında B qrupunu 2 xalla sonuncu yerdə başa vurub və avrokuboklarla vidalaşıb.