"Oyuna yaxşı hazırlaşmışdıq. İmişli səfərindən üzüağ çıxmaq istəyirdik. Ötən turda "Difai Ağsu" üzərindəki qələbədən sonra uğurumuzu davam etdirmək istəyirdik. Amma yenə fərdi səhvlərimiz üzündən məğlub olduq. Rəqibin heyətində irəli xətt oyunçularının, əsas da Xəzər Mahmudovun gözəl oyununu qeyd edərdim. Müdafiəçilərimiz "İmişli"nin forvardını zərərsizləşdirməkdə çətinlik çəkirdi. Ona görə də "9 nömrə" meydanda rahat oynamaqla iki dəfə qapımıza yol tapdı. Futbolçularımla oyun barədə söhbət edəcək, səhvlərimiz üzərində işləyəcəyik".