"Oyuna pis başlamadıq. Amma 25-ci dəqiqədə futbolçumuzun meydandan qovulmasıyla oyun planımız pozuldu. Bundan istifadə edən rəqib ilk hissədə qapımıza 3 qol vurdu. Fasilədən sonra geridönüş etməyə çalışdıq. İrəli atılıb 2 qol vursaq da, artığına gücümüz çatmadı. Azlıqda olmağımız və müdafiədəki səhvlər nəticəsində Masallı futbolçuları daha iki dəfə qapımıza qol tapdı. Amma məğlubiyyəti faciəyə yox, dərsə çevirməliyik. Qarşımıza qrup lideri olmaq qoyulub. Bu məqsəd uğrunda qarşıdakı turlarda daha yaxşı çıxış edəcəyik".