"Ötən tur "İmişli"yə böyük hesabla uduzandan sonra doğma meydanda daha yaxşı çıxış etməyi qarşımıza məqsəd qoymuşduq. Rəqibimizin də güclü olduğunu bilirdik. "Şamaxı"nın heyətində həm premyer-liqa təcrübəsi olan futbolçular var, həm də hər mövqe üçün ehtiyat qüvvəsi mövcuddu. 1-ci liqa üçün geniş heyətə malik "şirlər"lə oyun çətindi. Çünki onlar tempin aşağı düşməsinə imkan verməyərək dominant futbol sərgiləyir. İlk dəqiqədən rəqib bizi üstələdi, erkən qol vurdu. Fasiləyə qədər onlar üstün oldu deyərdim. Amma 2-ci yarıda nə olur-olsun, hesabı dəyişməliydik. Fürsətlərimiz oldu, amma onlardan yalnız birini qola çevirə bildik. "İmişli"yə ağır məğlubiyyətdən sonra güclü "Şamaxı"dan 1 xal qoparmağı uğur sayıram. Düşünürəm ki, qarşıdakı oyunlar üçün bu görüş və əldə etdiyimiz xal motivasiya olacaq".