“Pittsburq”la srağagünkü oyun “Tampa-Bey”in iki hokkeyçisi üçün əlamətdar olub.

“Football-plus.az” xəbər verir ki, belə ki, rusiyalı hücumçu Nikita Kuçerov bu oyunda 2 (1+1) xal toplayıb. 30 yaşlı hokkeyçi ardıcıl 11-ci oyunda məhsuldar ötürmə verməklə bu göstəricidə klubu üçün yeni MHL rekordu müəyyənləşdirib. O, 2005/06 mövsümündə ardıcıl 10 oyunda məhsuldar ötürmə verən Bred Riçardsın və 2006/07, 2009/10 mövsümlərində bu göstəricini təkralayan Marten San-Luinin nəticəsini arxada qoyub. Kuçerov MHL-in cari mövsümündə keçirdiyi 26 oyunda 44 (17+27) xal toplayıb.

Müdafiəçi Viktor Hedman da komandasının qələbəsinə iki məhsuldar ötürmə ilə töhfə verib. İndi isveçli ulduzun bu klubdakı karyerasına 300 məhsuldar ötürmə yazılıb. 32 yaşlı hokkeyçi bu göstəricidə Marten San-Luini (298) arxada qoyub və klubu rekordçuları siyahısında 2-ci olub. “Laytninq”nin məhsuldar ötürmələrin sayına görə rekordçusu isə Stiven Stemkosdu (318).

Cari mövsümü ümumilikdə uğursuz keçirən “Vaşinqton”un hücumçusu Aleksandr Oveçkin “Dallas”la dünənki oyunda məhsuldar ötürmə ilə yadda qalıb. 38 yaşlı rusiyalı ulduz Şimali Amerika liqasında belə ötürmələrinin sayını 673-ə çatdırıb. Onun hesabında 827 qol da oldyğunu nəzərə alsaq, MHL tarixinə 1500 xal həddinə çatan ilk rusiyalı və ümumiyyətlə, 16-cı hokkeyçi kimi düşüb. Oveçkin 1500-cü xalı 1370-ci oyunda qazanıb. MHL tarixinin bombardiri isə karyerası boyunca 2857 xal toplayan əfsanəvi kanadalı forvard Ueyn Qretskidi.

Bu arada dünən səfərdə “Monreal”ı məğlub edən “Los-Anceles” unikal MHL rekordu müəyyənləşdirib. Adı çəkilən komanda mövsümün startından bəri səfərdə keçirdiyi 11 oyunun hamısında qələbə qazanıb. Bu göstəricidə əvvəlki MHL rekordu 2006/07 mövsümündə 10 səfər oyunundan qələbə ilə ayrılan “Baffalo”ya məxsus idi.

7 dekabr
Tampa-Bey – Pittsburq 3:1 (1:0, 2:0, 0:1)
Florida – Dallas 5:4 (2:1, 1:0, 2:3)
Sent-Luis – Veqas 3:6 (3:1, 0:4, 0:1)
Edmonton – Karolina 6:1 (4:0, 1:0, 1:1)
8 dekabr
Boston – Baffalo 1:3 (0:0, 1:2, 0:1)
Detroyt – San-Xose 5:6 ОТ (0:0, 4:4, 1:1, 0:1)
Monreal – Los-Anceles 0:4 (0:2, 0:1, 0:1)
Ottava – Toronto 3:4 (1:0, 0:2, 2:2)
Aylenders – Kolambus 7:3 (1:0, 3:2, 3:1)
Vaşinqton – Dallas 4:5 Б (1:1, 2:1, 1:2, 0:0, 0:1)
Neşvill – Tampa-Bey 5:1 (1:1, 2:0, 2:0)
Çikaqo – Anahaym 1:0 (0:0, 1:0, 0:0)
Arizona – Filadelfiya 1:4 (1:2, 0:1, 0:1)
Kalqari – Karolina 3:2 (0:2, 0:0, 3:0)
Kolorado – Vinnipeq 2:4 (0:1, 2:2, 0:1)
Vankuver – Minnesota 2:0 (1:0, 0:0, 1:0)
Sietl – Nyu-Cersi 1:2 (0:1, 1:1, 0:0)