Murad Musayev “CBC Sport”u suçladı, telekanal susdu

Misli premyer-liqasının 15-ci turunun “Kəpəz” – “Sabah” matçından sonra keçirilən mətbuat konfransında “tələbələr”in baş məqşçsi Murad Musayev yenə hakimliyin üzərində xüsusi dayandı.

Və bu zaman maraqlı cümlə işlətdi: “Marko Yankoviç Namik Ələskərova qarşı kobud oynayır, amma heç televizorda da göstərilmir”. Aydındı ki, burda irad premyer-liqanın yayınçı şirkəti “CBC Sport”a ünvanlanıb. Beləliklə, ilk dəfə baş məşqçinin teleyayından narazılığını da eşitdik. Rusiyalı çalışdırıcı kanalı ya “Qarabağ”a tərəfkeşlikdə suçladı, ya da hakim biabırçılıqlarını ört-basdır etməklə. Hər halda, ciddi iddiadı.

“Football-plus.az” olaraq, “CBC Sport”un Xəbərlər Xidmətinin direktoru Şəmsəddin Abbasovla əlaqə saxladıq. O, saytımıza açıqlamasında Murad Musayevin fikirlərinə hörmətlə yanaşdığını, lakin bu mövzuda əlavə söz deməyə ehtiyac olmadığını bildirdi.

KƏNAN BAHADIR