Neymar sevgilisi Bruna Byankardidən ayrılıb.

"Football-plus.az" xəbər verir ki, bu barədə braziliyalı model özü açıqlama verib.

İki ay əvvəl cütlüyün qız övladı dünyaya gəlib və körpənin adını Mevi qoyublar. Neymarla Byankardi 2021-ci ildən görüşməyə başlamışdılar, lakin bu münasibəti gizli saxlayırdılar. Onlar yalnız 2022-ci ilin yanvarında münasibətlərini ictimaiyyətə açıqlamışdılar. Bruna övladları dünyaya gəldikdən sonra “Əl-Hilal”ın və Braziliya millisinin hücumçusu ilə münasibətlərinə son qoyduqlarını deyib: “Bu, şəxsi məsələdi, lakin hər gün mövzu ilə bağlı müxtəlif xəbərlər yayılır, fərziyyələr irəli sürülür və zarafatlar edilir. Mənimlə bağlı olduğu üçün sizə bildirirəm ki, hazırda onunla heç bir münasibətim yoxdu. Mevinin valideynləriyik və bizi birləşdirən bu körpədi. Ümid edirəm ki, şəxsi həyatımızla bağlı xəbərlər bundan sonra daha az olacaq, təşəkkür edirəm”.