Kilian Mbappe ilə yenidən anlaşan PSJ komandanın digər aparıcı hücumçusu ilə vidalaşa bilər.

“Le Parisien” qəzetinin məlumatına görə, klubun qətərli sahibləri bu yay Neymarla yolları ayırmağı planlaşdırır. 30 yaşlı futbolçunun gedişi həm də Mbappe ilə yeni - yüksək maaş və bonusların nəzərdə tutulduğu müqavilənin imzalanması ilə əlaqələndirilə bilər. Lakin braziliyalı futbolçunun maliyyə tələbləri PSJ-nin onunla qısa zamanda yolları ayırmasına mane ola bilər. Neymar həftəyə təxminən 580 min avro qazanır.

Braziiyalı PSJ-də 2017-ci ildən oynayır. Son mövsüm bütün turnirlərdə 28 oyunda iştirak edib, 13 qol vurub və 8 məhsuldar ötürmə verib.