“Qəbələ”nin 19 yaşadək futbolçulardan ibarət komandası dünən Gənclər Liqasında növbəti oyununu keçirib.

"Football-plus.az" xəbər verir ki, Famil Xəlilovun yetirmələri Çempionlar yolunun 2-ci mərhələsində “Olimpiakos”la qarşılaşıb. Qəbələdə 0:3 hesabıyla uduzan “qırmızı-qaralar” cavab görüşünü Pireydə keçirib. Meydan sahibləri artıq 15-ci dəqiqədə hesabı açıb. Fasilədən sonra daha üç qol vuran “Olimpiakos” 4:0 hesablı qələbə qazanıb. Maraqlıdı ki, matçboyu təmsilçimizin qapısına nə az, nə çox - 3 penalti təyin edilib. Qollardan ikisi məhz həmin epizodlarda vurulub. “Qəbələ” bu oyunla avrokubok mövsümünü başa vurub. Hərçənd Famil bəy səfər ərəfəsində yunanlara layiqincə müqavimət göstərəcəklərini, 0:3-dən sonra belə növbəti mərhələyə adlamaq şansımızın qaldığını demişdi...

Gənclər Liqası
Çempionlar yolu
2-ci mərhələ, cavab oyunu
Olimpiakos (Yunanıstan) - Qəbələ 4:0 (1:0)

Olimpiakos: 1. Sina Atzelo, 19. Kostoulas Konstantinos, 4. Koutsidis İsidoros (14. Darviras Kristos Efraim, 59), 21. Prekatlar Vasileyos, 7. Kutsoqolas Atanasios (k), 6. Liatsikouras Arqirios, 8. Kristos Muzakit, 3. Alafakis Nektarius (26. Yannis Rolakis, 68) 7. Papakanellos Antonios (17. Paraskevas Pleyonis, 59), 11. Pnevmonidis Stavros (18. Liqdas Kristos, 76), 27. Qatopulos Kristos (14. Dama Antonios, 68).

Qəbələ: 16. Məmməd Muradov (94. Həbib Hüşənov, 76), 17. Eşqin Əhmədov, 3. İbrahim Ramazanov, 4. Nuqay Rəşidov (k), 13. Ravil Qafarov (5. Qədir Ramazanov, 73), 14. İlkin Budaqov (8. Rəvan Əsədov, 59), 6. Fuad Əhmədov, 18. Şahin Şahniyarov, 11. Kənan Baxışov (2. Elnur Mustafayev, 73), 9. Sənan Ağalarov, 7. Xəyyam Məmmədli (15. Cümə Hüseynov, 46).

Qollar: K.Muzakit, 15 (1:0). Q.Kristos, 56 (2:0). K.Muzakit, 71-p. (3:0). K.Konstantinos, 90+3-p. (4:0).
Antonios 56-cı dəqiqədə penaltidən yararlana bilməyib.
Vərəqələr: P.Antonios, 2. F.Əhmədov, 54. K.Baxışov, 57. N.Rəşidov, 71. İ.Ramazanov, 83 - sarı. İ.Ramazanov, 90+2 - qırmızı (ikinci sarı).
Hakimlər: CEYMİ ROBİNSON, Adam Ceffri, Endryu Neteri (hamısı Şimali İrlandiya)
29 noyabr. Pirey. “Georgios Karaiskakis” stadionu.
İlk oyun – 3:0.

16 (13) qapıya ("çərçivə"yə) zərbə 11 (2)
3 künc zərbəsi 5
1 ofsayd 1
6 qayda pozuntusu 21
1 sarı (qırmızı) vərəqə 5 (1)
51 topa sahibolma (faizlə) 49

Xatırladaq ki, “Qəbələ” 1-ci mərhələdə Macarıstan çempionu “Puşkaş Akademiya”nı üstələmişdi – 1:1, 1:0.

KƏNAN BAHADIR