Dünən "Qəbələ”nin 19 yaşadək futbolçulardan ibarət komandası Gənclər Liqasında mübarizəyə başladı.

"Football-plus.az" xəbər verir ki, bu, adı çəkilən komandanın turnirdə 6-cı startı oldu. Xatırlayırsızsa, yarışda 2016/17 mövsümündə debüt edən “qırmızı-qaralar”ın daha bir cəhdi koronavirus pandemiyası səbəbindən 2020/21 mövsümünün ləğvinə görə baş tutmamışdı.

“Qırmızı-qaralar” Çempionlar yolunun 1-ci mərhələsində ilk oyununu keçirdi. Famil Xəlilovun yetirmələri Macarıstan təmsilçisi “Puşkaş Akademiyası” ilə qarşılaşdı. Qəbələ şəhər stadionunda keçirilən oyun erkən qolla başladı. Şahin Şahniyarov 8-ci dəqiqədə qonaqların qapısına yol tapdı. Ölkə çempionu üstünlüyünü fasilə ərəfəsində əldən verdi. Macarıstan klubu penalti ilə hesaba tarazlıq gətirdi. İkinci 45 dəqiqə də qarşılıqlı hücumlar şəraitində keçdi. Meydan sahibləri hesabı öz xeyrinə dəyişmək imkanları qazansa da, rəqib qapısına yol tapa bilmədi. Beləliklə, Qəbələdəki görüş qollu heç-heçə ilə başa çatdı.

Gənclər Liqası
Çempionlar yolu, 1-ci mərhələ
İlk oyun
“Qəbələ” – “Puşkaş Akademiyası" (Macarıstan) 1:1 (1:1)

Qəbələ: 2. Həbib Hüşənov, 3. Nuğay Rəşidov, 4. Fuad Əhmədov, 5. İbrahim Ramazanov, 6. Ravil Qafarov (15. Rəvan Əsədov, 83), 7. Eşqin Əhmədov (13. Rüfət Bədəlzadə, 71), 8. Okan Təhməzli (14. Qədir Ramazanov, 83), 10. Şahin Şahniyarov, 11. Kənan Baxışov (18. Elnur Mustafayev, 83), 9. Sənan Ağalarov. 12. Xəyyam Məmmədli (17. İlkin Budaqov, 64).
Baş məşqçi: Famil Xəlilov.

Puşkaş Akademiya: 1. Merse Cazdaq, 4. Akos Markqraf, 3. Adam Umatum, 20.Roland Vajda, 18. Bohdan Makara, 21. Szabolks Duzinski, (16. Dmitri Dmitriev, 46), 23. Maksim Osadçi, 10. Bens Vekoni (5. Roland Orqan, 90), 9. Kevin Mondoviks, 17. Aleksandr Puskur, 13. Roland Szabari (11. Oleq Yablonoski, 62).

Baş məşqçi: İştvan Kortvelyez.
Qollar: Ş.Şahniyarov 8 (1:0). A.Umatum 36 (1:1).
Vərəqələr: A.Puskur, 31. A.Umatum, 42. İ.Ramazanov, 44. S.Duzinski, 44. X.Məmmədli, 53. A.Markqraf, 73. M.Osadçi, 78. B.Makara, 89. Q.Ramazanov, 90+2. S.Ağalarov, 90+6 - sarı.

6 (3) qapıya ("çərçivə"yə zərbə) 12 (6)
3 künc zərbəsi 7
0 ofsayd 0
13 qayda pozuntusu 9
4 (0) sarı (qırmızı) vərəqə 6 (0)
41 topa sahibolma (faizlə) 59

Hakimlər: SAYAT KARABAYEV, Timur Tursumbayev, Yevgeniy Karlov (hamısı Qazaxıstan), Tural Qurbanov (Azərbaycan).

Qeyd edək ki, komandalar arasında cavab oyunu oktyabrın 25-də Macarıstanda keçiriləcək. Bu cütün qalibi növbəti mərhələdə "Olimpiakos" (Yunanıstan) - "Leççe" (İtaliya) duelində mərhələ adlayan tərəflə üz-üzə gələcək.

KƏNAN BAHADIR