“Matçın gərgin keçəcəyini bildirdik. Turnir cədvəlində rəqib bizi 3 xal qabaqlayırdı. Biz də yüksək yerlərə iddia edən komandayıq. Bura 3 xal qazanmaq üçün gəlmişdik. Komandama çox güvənirdim. Biz düz meydanda yaxşı oyun sərgiləyirik. Bu gün istəyimizə nail oldu. Xarakter göstərərək qələbə qazandıq. İlk hissədə iki qol vurduq. Oyun bizim üçün yaxşı başladı. Fasiləyə kimi qapımızda 1 qol gördük. “Şamaxı” ikinci hissəyə əla başladı. Fasilədən dərhal sonra qol buraxdıq. Həqiqətən rəqib yaxşı oyun sərgiləyirdi. Onların belə istəkli oyun sərgiləyəcəyi gözlənilirdi. Hətta 3-cü qolu da buraxa bilərdik. Futbolçularımıza tam müdafiə olunmamağı tapşırmışdım. Əks-hücumlara bel bağlamışdıq. Oyunçular tapşırıqlarımı tam yerinə yetirdilər. Bunun nəticəsində də iki qol vurduq. Beləliklə, oyun bizim xeyrimizə başa çatdı”.

“Çempionluğa iddialıyıq. Bu gün qazandığımız qələbə vəziyyətimizi düzəltdi. Stadionumuzun vəziyyəti yaxşı olsaydı, ev matçlarında məğlub olmazdıq. İndi də üst pillələrdə qərarlaşardıq. Qarşıda hələ iki dövrə var. Bizi çox çətin oyunlar gözləyir. Hamı vuruşur. Bütün komandalar qələbə qazanmağa çalışır. Biz də əlimizdən gələni edəcəyik ki, çempionluq mübarizəsində qalaq. Əlimizdən gələni edəcəyik ki, məqsədimizə çataq”.