''Fənərbaxça''nın yüksələn dəyəri Fərdi Kadıoğlu Avropa nəhənglərinin diqqətini cəlb etməkdə davam edir.

"Football-plus.az" xəbər verir ki, ''Napoli'', ''Milan'', ''Arsenal'', Dortmund ''Borussiya''sı və ''Bavariya''nın ardından indi də ''İnter'' bu istedadlı futbolçuya maraq göstərir. İtaliya mətbuatının iddiasına görə milanlılar İstanbul nəhənginə 17 milyon avroluq təkliflə üz tutmağa hazırlaşır. Amma ''Fənər'' rəhbərliyi 24 yaşlı oyunçunun qiymətini müəyyənləşdirib. 25 milyon avrodan aşağı olan təkliflərin heç biri dəyərləndirilməyəcək. Bu mövsüm ''Fənərbaxça'' ilə çempionluq yaşamaq arzusunda olan Fərdinin gələn yay klubu tərk etmək ehtimalı çoxdu.

Qeyd edək ki, ''Fənərbaxça''nın 2018-də cəmi 1,4 milyon avroya ''Neymegen''dən transfer etdiyi cinah müdafiəçisi 5 il ərzində dəyərini 12 dəfə artırıb. Hazırda ''transfermarkt''da onun dəyəri 17 milyon avro göstərilib. ''Sarı-lacivərdlilər''in vazkeçilməz oyunçularından olan Fərdi indiyə qədər bu klubda 15 qol, 20 məhsuldar ötürməlik performans sərgiləyib. Onun ''Fənər''lə müqavilə müddəti 2026-ya qədərdi.

ƏLİ