"Fənərbaxça"da Arda Gülərdən sonra növbəti tarixi ayrılıq yaşana bilər.


"Football-plus.az" Türkiyə mətbuatına istinadən xəbər verir ki, Avropa klubları 2022/23 "futbol ili"ndə karyerasının zirvəsini yaşayan Fərdi Kadıoğluna müştəri çıxıb. Söhbət İngiltərə premyer-liqasının klubları "Everton"la "Fulhem"dən gedir. Türkiyəli həmkarlarımız hər iki klubun "Fənərbaxça"ya futbolçunun keçidi üçün 20 milyon avro təklif etdiyini yazıb. Maraq üçün bildirək ki, 23 yaşlı Kadıoğlu ilə İtaliya nəhəngi "İnter" də maraqlanır.

Qeyd edək ki, Fərdi ötən mövsüm 48 rəsmi matçda meydana çıxıb. Hesabında 4 qol və 5 məhsuldar ötürmə var. Futbolçunun dəyəri məşhur "transfermarkt.com" portalında 17 milyon avrodu.

KƏNAN BAHADIR