Benjamin Mendi sabiq klubunu məhkəməyə verib. O, “Mançester Siti”yə qarşı iddia qaldırıb.

"Football-plus.az" xəbər verir ki, hazırda “Loryan”da çıxış edən fransalı futbolçu cinsi zorakılıqda ittiham olunması səbəbindən futbol oynamasına qadağa qoyulduğu dövrdə - 2021-ci ilin sentyabrından bu ilin iyuluna qədər ödənilməmiş maaşına görə təzminat istəyir.

Bu ilin iyul ayında Benjamin barədə araşdırma başa çatıb və o, təqsirli bilinməyib. Bundan sonra azad agent kimi “Loryan”a keçib. Mendi sonuncu dəfə MS-nin formasında sonuncu dəfə 2021-ci il avqustun 15-də “Tottenhem”ə qarşı premyer-liqa matçında (0:1) meydana çıxıb.