Benjemen Mendi bu gedişlə yaşıl meydana çətin ki, tezliklə qayıtsın...

“Mançester Siti”nin oyunçusuna növbəti ittiham irəli sürülüb. Çester Kral Məhkəməsinin cümə axşamı keçirilən iclasında hakim Stiven Everett ona qarşı 8-ci zorlama ittihamının ictimailəşdirilməsinə qarşı qadağanı aradan götürüb. Mendi indi ümumilikdə 10 fakt üzrə ittiham olunur. Fransız futbolçuya yönələn son iki ittiham cinsi zorakılıq və zorlamaya cəhdlə bağlıdı.
Mendi sonuncu dəfə yaşıl meydanda 2021-ci il avqustun 15-də görünüb. Onun və eyni əməllərə əl atmaqda ittiham olunan Lui Saha Matturinin növbəti məhkəmə iclası iyulun 25-nə təyin olunub.