Cinsi zorakılıqda günahlandırılan məşhur futbolçuların siyahısına daha bir isim əlavə olunub.

"Football-plus.az" xəbər verir ki, söhbət “Monako”nun kapitanı və Fransa yığmasının üzvü Vissam Ben-Yedderdən gedir. Yerli mətbuatın yazdığına inansaq, iki xanımın şikayətindən sonra Fransa polisi məsələni araşdırmağa başlayıb. 19 və 20 yaşlı iki xanım bugünlərdə Qras şəhərinin prokurorluğuna yollanaraq Ben-Yedder ilə daha bir nəfərin onlarla zorla cinsi əlaqədə olduğunu iddia edib. İkinci şəxsin adı açıqlanmır. Amma böyük ehtimalla söhbət Ben-Yedderin kiçik qardaşından gedir. İş Nitsa prokurorluğuna ötürülüb. Ben-Yedder və qardaşı hələ ki həbs olunmayıb. Maraqlıdı ki, “Monako” rəhbərliyi də futbolçuya qarşı heç bir sanksiya həyata keçirmək niyyətində deyil. Ötən mövsüm 41 rəsmi oyunda 24 qol vuran Ben-Yedder komandanın düşərgəsindədi və hamı kimi yeni mövsaümə hazırlaşmaqda davam edir.

Yeri gəlmişkən, çoxsaylı cinsi zorakılıqlarda günahlandırıldığı üçün uzun müddətdi həyatı və karyerası alt-üst olan Benjamen Mendi, nəhayət, dərindən nəfəs ala bilər. Ona qarşı ümumilikdə 9 iddia qaldırılmışdı. Bu ilin yanvarında “Mançester Siti”nin sabiq müdafiəçisinin üzərindən bu 9 iddiadan 7-si götürülmüşdü. Yəni onun günahsız olduğu sübuta yetirilmişdi. Dünən isə digər 2 iddia ilə bağlı məhkəmə prosesi keçirilib. Mendi yenə həm zorakılıq (2018-in oktyabrı), həm də zorakılığa cəhd (2020 oktyabr) iddiaları üzrə bəraət alıb. Yekun qərarı vermək üçün hakimlər təxminən 3 saat məsləhətləşməli olublar. Deyilənə görə, tanınmış futbolçu məhkəmənin qərarından sonra emosiyalarına hakim ola bilməyərək göz yaşı axıdıb. 28 yaşlı futbolçu hazırda klubsuzdu. O, ötən ay “Mançester Siti” ilə yollarını ayırıb. Mendinin vəkili bunları deyib: