1-ci liqada 8-ci tura yekun vurulur.

“Football-plus.az” xəbər verir ki, “Qaradağ Lökbatan” “Araz Saatlı”nı qəbul edib. Görüş meydan sahiblərinin böyük hesablı üstünlüyü ilə nəticələnib - 3:0. Matçın ilk hissəsində xoşagəlməz hadisə baş verib.

Belə ki, bakılıların “17” nömrəli üzvü Kənan Cəfərov mübarizə zamanı rəqiblə toqquşub. Oyunu davam etdirə bilməyən futbolçu əvəzlənib. Onun alın hissəsində şiş əmələ gəlib. Cəfərov kəskin ürək bulantıları və nəfəs darlığı çəkib. Təcili tibbi yardım maşınına yerləşdirilən futbolçunun yanında Sadıq Sadıqov yer alıb. Onun kəllə-beyin travması almaq riski olduğu üçün həkimlərin göstərişi ilə “Modern Hospital”a göndərilib.

İSMAYIL XEYRULLAYEV