Ferstappen açılış mərasimindən narazı qaldı
Noyabrın 17-19-u aralığında “Formula-1” üzrə dünya çempionatında Las-Veqas mərhələsi keçiriləcək.
"Football-plus.az" xəbər verir ki, üçqat dünya çempionu Maks Ferstappen Amerikada gördüklərini tənqid edib.
Niderlandlı pilot trassdan və pilotların təqdimat mərasimindən narazı qalıb:
“Bu yarış ətrafında başverənlər xoşuma gəlmir. Belə şounu məmnunluqla buraxardım. Pilotlar burda kloun təsiri bağışlayır. Bu, 99 faiz şou və 1 faiz idmandı”.
Lens Stroll da Ferstappenlə həmfikirdi. “Aston Martin”in pilotu yarışın təşkilatçılarının pilotları Hollivud ulduzlarının obrazında təqdim etməsindən narazı qalıb:
“Ümumiyyətlə, belə iş mənlik deyil, belə şeylərə imza atmamışam. Biz pilotuq, amma bizi Hollivud ulduzları kimi təqdim etmək istəyirlər. Mən, sadəcə, yarış maşınlarını sevirəm, Hollivud ulduzu olmağa çalışmıram. Əlbəttə, “Formula-1”in belə yerlərə ayaq açması, Amerika bazarına çıxması yaxşıdı. Bu, komandalar, biznes, sponsorlar üçün yaxşıdı. Ancaq ümid edirəm ki, “Formula-1”in mahiyyətini itirməyəcəyik. Hər şeydə balansı qorumaq lazımdı”.
İş ondadı ki, “Formula-1” tarixində ilk dəfə yarış ərəfəsində 30 dəqiqəlik açılış mərasimi keçirilib. Mərasimin gedişində pilotlar növbət ilə tamaşaçılara təqdim olunub, onlar lift vasitəsiylə xüsusi platformanın üzərinə qaldırılıb.
Digər xəbərlər
